ILOILO CITY- Daw kaangay sang highway robbery ang ginahimo sang Panay Electric Company (PECO) sa overcharging/overbilling sa ila mga konsumidor.
Ini ang ginpahayag ni Mr. Ted Aldwin Ong, Secretary General sang Freedom from Debt Coalition sa interview sang RMN Iloilo.
Suno kay Ong, madugay na ini nga ginahimo sang PECO kag sa sulod sang 20 ka tuig may mga konsumidor na nga nagpasaka sang kaso kag nacorrect man ini apang nagabalik sa gihapon.
Kon may nagareklamo nga konsumidor sa ila overbilling/overcharging, suno kay Ong daw gina-imbento na sang legal department sang PECO nga bisan wala madetermine kon legal ukon indi, ginapabayran lang sa gihapon sa tawo.
Nahibaluan nga madamo sang mga konsumidor ang nagareklamo paagi sa RMN Iloilo angot sa problema sa ila mga electric bills.
photo from web
Facebook Comments
