Davao City – Giawhag karon sa Department of Energy–Mindanao ang katawhan nga motabang aron batukan ang ilegal nga LPG, ilabi na kadtong ilegal ang pag-refill sa mga cylinder ug mga nag-operate nga walay saktong permit.
Matod sa DOE–Mindanao nga ireport ang mga makita kon nasayran nga nagbaligya og illegally refilled nga LPG cylinders, walay License to Operate, walay Authority to Sell, ug uban pang dokumento, ingon man kadtong adunay kadudahang delivery, warehouse, ug defilling activity.
Gipaklaro karon nga importante nga magkahiusa ang katawhan alang sa luwas ug lehitimong LPG para sa seguridad sa tanan, samtang gisaad sa ahensya nga mahimong confidential ang mga impormasyong ipadangat.
Matod pa nga importante ang impormasyong ipadala tungod kay limitado lamang ang inspection resources, ug sa mga lagyong lugar, mas epektibo ang operasyon kon adunay saktong lead aron ma-maximize ug ma-target ang inspection.
RadyoMaN Bien Abanos
Facebook Comments
