Davao City – Ginahulat na lamang matud pa sa Davao City Engineer’s Office (CEO) ang pag-apruba sa suppliers may kalabutan sa ilang request aron hingpit nang mapatuman ang rehabilitasyon sa usa ka overpass sa may dalang J.P. Laurel Avenue ning syudad sa Davao.
Kini subay sa nikalat nga social media post nga adunay usa ka trailer truck nga nasangit sa overpass nahimutang sa Victoria Plaza Mall samtang naglawig niadtong Setyembre 29, 2018.
Sumala ni CEO officer-in-charge Engr. Joseph Dominic S. Felizarta, nag request na sila matud pa og cost-estimate ngadto sa supplier aron hingpit nang mapataas ang height clearance sa maong overpass.
“Sa pagkakaron ang noted gyud nga mubo na kaayo ang clearance is the Victoria Plaza,” segun niini.
Sa pikas bahin, gibutyag ni Felizarta nga magmontar sila og signage alang sa overpass vertical clearance alang sa kasayuran sa lumolupyo sa dakbayan.
RadyoMaN Jason Amisola
