ILOILO CITY – Wala pa sang nadeklarar nga drug cleared barangay ang oversight committee matapos ang deadline nga ginahatag kahapon Hulyo 11.
Suno kay PDEA 6 Dir. Gil Pabilona, napaslawan ang mga barangays nga makapasa sang documentary requirements.
Subong man ginpahayag ni Pabilona nga may 24 ka barangays nga possible madeklarar nga drug cleared antes ang state of the nation address ni President Rodrigo Duterte sa Hulyo 24.
Ini ginalakipan sang syam ka showcase barangays nga amo ang Ed Ganzon, Kauswagan, Osmeña, Sampaguita kag San Jose tanan sa City Proper kag apat ka drug-affected sa Lopez Jaena, Jaro; North Avanceña, Molo; Pali-Benedicto, Mandurriao; kag Santo Domingo, Arevalo.
May 15 pa ka barangays nga minimal lamang ang drug affectation nga ginalakipan sang Dulonan, Arevalo; Rizal Ibarra, San Agustin, Maria Clara, Nonoy, President Roxas, Rima Rizal, and Yulo Arroyo sa City Proper; Bantud, La Paz; Libertad, La Puz; Buhang, Javellana, Luna, kag Seminario sa Jaro kag Sta. Rosa, Mandurriao.
Gin-athag man ni Pabilona nga continuing ini ang drug clearing program sa bug-os nga tuig.
