OVERSTAY NGA OFW SA HK, PRISO SANG 12 KA BULAN SA PAG PANGAWAT SANG GAMIT KAG ALAHAS NGA NAGABALOR SA 1.4M PESOS

4043

Report ni: Tita Jen Palomo Debaja

Naghilibion sa korte ang isa ka 48 anyos nga Filipino DH samtang gin aku ang pagkawat sang gamit kag alahas sang amo nga French nga nagabalor sa $211,000 (P1.4 million) sa poluy-an sini sa Sai Ying Pun.

Ginkilala ang pinay kay Fedelita R.S., may apat ka kabataan nga naga edad 18 asta 25 sa Pilipinas.

Nag plead guilty sa kaso nga theft kag overstaying ang pinay sa Eastern Magistrates’ Courts sa Sai Wan Ho sang Nobyembre 5, 2018.

“Inaamin ko po (I admit it),” pahayag ni Fedelita kadungan sa pag wawaw sa atubangan sang judges.

Gin aku sini ang pagkawat sang diamond necklace, isa ka iPad Air tablet, kag isa ka singsing tungod suno sa iya naaksidente ang iya iloy kag daku ang kinahanglan para sa resita sini kag balayran sa ospital.

Ginpahayag sang hukom nga nagluntad ang pagpangawat sang Enero kag Pebrero 2015.

Nadiskubre nalang sang employer ni Fedelita ang pagkadula sang iya valuables matapos nangindulaan ang pinay sa ila poluy-an kag wala na nagbalik pa. Ginabasol naman sang pinay ang impluwensiya sang barkada sa HK kon ngaa nahimu sini ang krimen

Sa imbistigasyon sang kapulisan, nadiskubre nga gin prenda ni Fedelita sang $1,750 ang diamond necklace nga may balor $200,000.

Dugang nga nadiskubre sang otoridad nga overstay na ang pinay sa Hong Kong halin pa sang October 11, 2014 kag wala sang ideya ang amo sini nga Pranses sang iya working status sa Hong Kong.

Tungod gusto na sini magpauli sa pamilya, nagsungka ang pinay sa immigration officer sang Oktubre 5 kag gin aku ang ginhimu nga krimen matapos Ang 3 ka tuig nga pagpanago.

Sa pahayag sang abogado sang pinay, tuman ang iya paghinulsol gani nagsurender ini tungod nagalaum nga amo gid lang ini ang paagi nga makapauli siya sa Pilipinas pagkatapos maserbisyuhan ang iya sentensiya.

Tungod sa guilty plea sang pinay gin reduce sa 9 ka bulan kag 3 ka semana ang iya pagkapriso.

Facebook Comments