Ginaasikaso sa subong sang Overseas Workers Welfare Administration ukon OWWA 12 ang pagpapauli sa mga stranded nga Overseas Filipino Workers nga naabtan sang ginapatuman nga lockdown tungod sa paandam sang COVID 019.
Suno kay OWWA 12 Regional Director Marilou Sumalinog nagcoordinate na sila sa OWWA Manila angot sa pagpauli sa mga OFW`s nga taga –rehiyon dose kag ginpalab-ot naman suno pa ini sa Intergency – Agency Task Force.
Ginkumpirmar ni Sumalinog nga may-yara sang mga OFW`s nga stranded sa Metro Manila, Clark nga may 9 ka mga OFW`s, Cebu City nga may 17 kag iban pa nga lugar nga ginpadayon sang ahensya sa mga hotel.
Samtang may mga seaferers man suno kay Sumalinog nga stranded sa Cebu nga nagapangayo sang bulig nga makapauli dire sa rehiyon.
May-angot sini, ginpahayag ni OWWA 12 Regional Director Sumalinog nga may-yara sang ihatag nga financial assistance ang gobyerno paagi sa DOLE sa mga OFW`s nga ginpapauli, terminated kag wala nakabalik active member man ukon indi kag documented ukon undocumented ang sarang suno pa nga mag-apply online.
