Nagalab-ot na sa masobra 200 ka mga Overseas Filipino Workers nga taga-rehiyon dose ang stranded sa mga nagkalain-lain nga parte sang pungsod ang nagapangayo sang bulig sa Overseas Workers Welfare Administration ukon OWWA 12 nga makapauli na sa tagsa sini ka mga lugar dire sa rehiyon.
May-angot sini, suno kay Owwa 12 Regional Director Marilou Sumalinog may lima na sila ka mga OFW`s nga may special needs ang ginbuligan nga makapauli dire sa rehiyon.
Samtang ginkumpirmar niya man nga may duha pa ka mga seasferers nga nag-abot sa Cebu kag padayon nga nagapaidalom sa 14 days quarantine bag-o makabalik dire sa rehiyon.
Ginpahayag man ni Sumalinog nga ang tanan nga mga OFW`s nga magpauli ang magapaidalom sa gihapon sa 14 days quarantine base naman sa ginapatuman nga protocol sang kada mga local government units.
Dugang pa niya nga ang mga OFW`s nga apektado sang lockdown tungod sa COVID-19 ang sarang nga mag-apply sa *DOLE*-AKAP assistance *program* sa diin makabaton ang mga ini sang P10k financial assistance.
