Davao City – Mireklamo sa Toril PNP ang usa ka OWWA staff sa dihang adunay tawo nga nagsige og bahis sa ilang tugkaran kansa nagdala og hinagiban.
Complainant mao si alyas Roel, residente sa may Toril ning siyudad, kinsa nagpatala sa usa ka ex-convict nga si alyas Victor nga nag suroy-suroy sa ilang lugar.
Nasayran nga giselosan si alyas Roel gumikan nagkarelasyon kuni sila sa asawa ni alyas Victor samtang anaa siya sulod sa selda.
Sa pakighinabi sa DXDC News Team sa complainant, gihimakak niini nga nagkarelasyon sila sa asawa sa ex-convict apan aduna lang mga panahon nga naga inum sila kauban iyang mga higala sa tindahan sa asawa ni alyas Victor.
Gidugang sa complainant nga mag duha na ka bulang sige’g bahis si alyas Victor sukad kini nakagawas sa selda ug tungod sa kabalaka sa mga kabanay sa complainant, ila kining gipatala sa Toril PNP.
RadyoMaN Paul Canono
