OWWA-XI OFW ayuda gidayeg sa LGU Govgen

Gipasidunggan sa lokal nga panggamhanan sa Governor Generoso, Davao Oriental ang Overseas Workers Welfare Administration (OWWA-XI) tungod sa malampusong mga programa alang sa pag-asistir sa tanang mga OFWs nga nanimuyo sa maong lungsod.

Gitunol ni Governor Generoso Mayor Juanito Enojales ang Plaque of Appreciation ngadto kang Overseas Workers Welfare Officer II Herman Sab on behalf ni OIC-Regional Director Carmel Elaya atol sa ika- 75th Anniversary sa naasoyng munisipalidad.

Sumala ni Maricel Torrentira Sarabillo, Labor Communications Officer-OWWA-XI nga giila sa LGU sa Governor Generoso ang nahatag nga programa sa OWWA-XI alang sa mga lumulupyo nga OFW ilabi na kadtong dili maayo ang ilang pagpanarbaho didto gawas sa nasud.

Matud ni Sarabillo, ang mga residenteng OFW nga walay swerte sa ilang pagpanarbaho nakadawat ug livelihood assistance gikan sa ahensya aron makasugod sa ilang panginabuhian kun ugaling makahukom nang dili mubalik sa gawas sa nasud aron manarbaho.

RadyoMaN Erin Lumosbog