Nagalab-ot sa 13,000 ka puno sang marijuana nga nagakantidad sa P2.6 million ang nagabot sang PNP kag PDEA sa Sitio Bong Sbang, Brgy. Danlag, Tampakan South Cotabato,alas 6:30 kahapon sang aga, Enero 14,2021.
Samtang ang nasambit nga mga puno sang marijuana ang ginsunog sa lugar sang anti-narcotic operatives.
Ang nasambit nga operasyon ang ginpatigayon matapos nga nakabaton sang report ang mga otoridad nga may mga puno sang marijuana sa tunga sang kamaisan sa nasambit nga lugar.
May-angot sini, paagi sa gintingob nga pwersa sang PDEA XII – South Cotabato Provincial Office, Tampakan MPS, SCPPO PIU, SCPPO DEU, SCPPO PIDMU, 1st SCPPO PMFC, 1205th RMFB 12 kag RID trackers team nagmadinalag-on ang marijuana eradication.
Apang ang ginaaligar nga cultivator nga ginkilala kay Jimben Sinaya ang nakapalagyo sang namutikan ang pag-abot sang operatiba.
credit PDEA 12
