*General Santos City— Wala pay laing direktiba ug mandato nga gipakanaug ang national headquarters sa kapulisan bahin sa operasyon batok illegal nga droga human gidawat ni Vice President Leni Probredo ng hagit nga mahimong drug czar.*
*Sumala kang Police BGen. Alfred Corpus, Regional Director sa Police Regional Office 12 nga magpadayon ang ilahang trabaho sa illegal nga droga sama sa nasugdan.*
*Apan giklaro niya nga dili nila masiguro nga walay mamatay panahon sa operasyon hilabina kung mabutang na sa alanganin ang kinabuhi sa kapulisan ug kung armado ang mga target o suspek.*
*Paniguro niya nga sila sa kapulisan tanang operasyon nga ilahang himuon ang nahisubay sa ilahang Police Operational Procedure ug dili matud pa niya gustong huna-hunaon sa mga sibilyan nga usa sa ilahang mandato mao ang pagpatay sa kinsa mang suspek o target sa matag operasyon.*
