Ginabulubanta yara sa P1.2 million ang natuga nga danyos sa nasunog nga isa ka puluy-an sa Purok Paraiso, Barangay Esperanza, Koronadal City kahapon nga adlaw.
Ginapanag-iyahan naman ni Rene Palacio ang nasambit nga puluy-an nga ginlamon sang kalayo.
Base sa imbestigasyon sang Bureau of Fire Koronadal nag-umpisa ang sunog alas 2:30 sang hapon kag nadeklarar nga fire-out alas 4:20 na sang hapon.
Ginapatihan nga nag-umpisa ang kalayo sa kinse ka sako sang uling nga bag-o lang nasacking sa kilid balay sang biktima kag ginbutang malapit sa bintana sang puluy-an nga himo sa light materials.
Suno pa nga wala natalupangdan sang biktima nga may baga pa nga nabilin sa ginsulod sa sako nga uling antes bayaan ang puluy-an.
Wala naman sang napilasan sa nasambit nga insidente.
