Nakantidad sa P1.3 million nga kantidad sang illegal drugs ang nakumpiskar sa ginpatigayon nga search warrant implementasyon batok sa notorious kag miyembro sang armed lawless groups sa Sitio Toka, Brgy. Macasendeg, Pikit, Cotabato Province kahapon nga adlaw.
Ginpatigayon ang operasyon sang gintingob nga pwersa sang PDEA Cotabato Provincial Office, 602nd Brigade PA, 34th IB, 90 IB kag Pikit MPS.
Sanday Ronnie Sumiling Mangansakan kag Banji Mangansakan ang pareho target-listed drug personalities kag wanted sa kaso nga murder kag frustrated murder nga naneutralized sa operasyon matapos nga nagbato sa operating troops.
Samtang ang kaupod nga si Gutires Abit Antipolo, 52-anyos, pump boat operator ang nadakpan sa nasambit nga operasyon.
Nahibaluan nga ang grupo nanday Mangansakan ang nagabligya sang ilegal nga druga sa Pikit kag kaiping nga banwa.
Samtang ang kita sa illegal drugs ang ginagamit sang mga ini sa pagbakal sang high-powered firearms para sa ila illegal drug business operations.
Narekober naman sa operasyon ang more or less 200 grams sang shabu, 1 ka unit sang M14 rifle , 7 ka fired cartridge sang 7.62 kag 5.56 caliber live ammunition, 1 ka unit sang M16 rifle, 1 ka unit sang M16 rifle, 1 ka unit sang M203 grenade launcher kag isa ka caliber 50 homemade Barrett.
Kaso naman nga pagbayolar sa Section 11, Article II sang RA 9165 kag RA 10591 ang ipasaka batok sa naaresto nga suspek.
