P1.5 million gin-alokar para sa insentibo sa mga athletes sang South Cotabato nga makakuha sang medalya sa 2018 SRAA Meet.

Ginpataasan sang South Cotabato Division Office kag Provincial Government ang pondo para sa insentibo sang mga athletes sang probinsya nga makaangkon sang medalya sa patigayunon nga Socsargen Regional Athletic Association ukon SRAA MEET sa Pebrero 17 tubtob 21 subong nga tuig.
Suno kay Sir Alex Floro, Sports Supervisor sang South Cotabato Division Office ini tungod ginkulang ang 1.3 million pesos nga pondo nila sa insentibo sang nagligad nga tuig.
May-angot sini, subong nga tuig nagalab-ot sa 1.5 million pesos ang gin-lokar nila nga pondo para sa insentibo.
Apang suno kay Sir Floro iplastar pa nila pagkatapos na sang SRAA Meet kon pila ang ihatag nga insentibo sa makakuha sang gold, silver kag bronze.