Nagalab-ot sa P10 million ang inisyal nga kantidad sang natuga nga danyos sang nasunog nga merkado publiko sang Surallah pasado alas 2:20 kagaina sang aga.
Suno kay PDRRM Action Officer Mila Rivera yara sa 39 ka mga stalls ang tigayon nga naabo kag maswerte naman nga wala sang casualties sa nasambit nga insidente tungod wala sang nagatulog nga tawo sa merkado publiko.
Naglab-ot naman sa ikaapat nga alarma ang nasambit nga sunog sa diin madasig nga naglapta ang kalayo tungod himo sa light materials ang mga stalls.
Ginpahayag man ni Surallah Mayor Antonio Bendita nga kahapon lang siya nagpaggwa sang notice of demolition sa diin ginpapreparar ang mga negosyante agud nga ibalhin sila para maumpisahan na ang construction sang bag-o nga public market.
Samtang ginsiguro naman sini ang ayuda sa mga apektado nga mga negosyante sang sunog.
