Tungod sa pag usbaw sa presyo sa diesel sa tag P1.30 kada litro , P0.45 ang litro sa gasolina kada litro ug P0.90 kada litro ang presyo sa kerosene.
Kay bigtime ang pagsaka sa presyo sa krudo, laraw sa mga transport group ang paghimo ug petition sa Land Transportation Franchising & Regulatory Board (LTFRB) para sa usbaw sa pamasahe.
Dili mapugngan ang pag taas sa presyo sa mga produktong petrolyo tungod kay deregulated kini o walay kontrol ang gobyerno sa presyohan niini sumala pa sa Energy Department.
Ang pagsulbong sa presyo sa petrolyo karong panahona maoy epekto sa Hurricane Harvey nga naka apekto sa mga oil refineries sa Texas, USA. Wala pa makwenta ang epekto sa Hurricane Irma.
Sugod sa Enero ning tuiga nikabat na sa P3.40 kada litro ang pagtaas sa presyo sa diesel ug P3.64 kada lito sa gasoline.
Busa, Hangyo sa mga driver nga himoon ng P10 ang minimum nga pamasahe sa jeepney o sa unang lima ka kilometro sa biyahe ug dugang P2 sa sunod nga kilometro
Sa bahin sa mga pasahero bug-at ang maong gihangyo nga increase sa pletehan nga sa kasamtangan gitun-an pa sa LTFRB ang giingong petition.
