Dakong garbo na usab karon sa dakbayan sa Dapitan ang pag-abot sa usa ka proyekto nga nagkantidad ug 100 million ka pesos nga National Fisheries Research and Development Center nga ipabarog sa dili madugay didto sa lima (5) ka ektaryang luna sa barangay San Pedro sakop ning syudad.
Gikalipay karon sa pamunuan ni Mayor Rosalina Jalosjos ug mga miyembro sa Sangguniang Panlungsod sa kahigayunan nga matabangan ang mga mangingisda dinhi ug mudagsa ang mga researchers sa gikan sa laing lugar sa Pilipinas aron paghimo sa pagtuon dinhi sa atong dapit.
Sa pamahayag ni Dr. Drusilla Esther Bayate, Executive Director sa NFRDI sa Central Office atol sa Ceremonial Signing of Memorandum of Agreement, nga ang Dapitan usa ka perpektong lugar alang sa maong proyekto tungod sa kahapsay ug kalinaw sa lugar diin ang mga researchers maka-tuon pag-yo sa ilang mga research studies.
Kahibaloan, gihimo ang expansion sa NFDRI sa maong proyekto sa Dapitan tungod kay aduna kini dako nga municipal waters ug mokapin sa 100 ka ektaryang mga fishponds, puno sa klase-klaseng isda ug seeweeds.
Ang MOA Signing gitambungan usa kini sa mga miembro sa Sangguniang Panlungsod nga gilangkuban nila ni Honorables Christoper Mah, Alemalou Dagpin, Edna Abad, Adora Recamara, Amalou Monroyo, Jasmin Hamoy, Manuel Estrella ug ni City Agriculturist Mr. Cyril Patangan.
Mihimo usab ang NFDRI ug Agri-Fishery Projects Visitation kagahapon aron masuta kung unsa ang dugang kakulangon sa mga hugpong sa mga mangingisda dinhi sa dakbayan uban ni City Agriculturist Patangan. *(M.L)*
