Naglab-ot sa P100, 000 ang natuga nga danyos sang sunog sa policy and plans division sang Department of Social Welfare and Development ukon DSWD 12 sang sang Sabado sang hapon, Hunyo 23, 2018.
Ini ang ginkumpirmar ni FO1 Joric Abalos, Arson Investigator sang BFP Koronadal.
Dugang pa nya, nag-umpisa suno pa ang sunog alas 3:30 Sabado sang hapon, apang nakatawag ang personnel sang nasambit nga talatapan alas 6:30 na sang gab-i.
Dugang pa niya, art fault by ignition ang nangin tunaan sang sunog nga nag – umpisa sa kisame sang nasambit nga opisina.
Samtang mga papeles kag iban nga pagkabutang ang nalakip sa sunog.
Gin-abisuhan naman suno pa niya ang nasambit nga ahensya nga islan ang mga wirings para malikawan nga matabo ang kapareho nga insidente.
Padayon naman ang paghatag sang serbisyo sang DSWD 12 sa pihak sang pagkasunog sang policy and plans division sang nasambit nga talatapan sang nagligad nga adlaw.
Ini ang kumpirmasyon ni Dennis Domingo, Information Officer sang DSWD 12 indi suno pa apektado ang paghatag nila sang nagkalain-lain nga serbisyo sa mga katawhan sang rehiyon sa pihak sang natabo.
