Naaresto ang high value target drug personality sa ginpatigayon nga joint operation sang PDEA Cotabato Provincial Office, Bravo Company sang 34IB 6ID Philippine Army kag PNP Municipal Police Stations sang Banisilan, Pikit, Aleosan, Midsayap, Libungan, Pigcawayan kag Alamada, Cotabato Police Mobile Force Company (CPMFC) kag RMFB 12 sa Sitio Patindigen, Brgy. Pantar, Banisilan, Cotabato kahapon nga adlaw.
Paagi sa implementasyon sa search warrant sa pagbayolar sa RA 9165 naaresto si Tanny Taup Gakit nga nagagamit sang iban nga pangalan nga TANTO TIDONG kag TANTO TALIB, 40-anyos.
Si Gakit ang high-value target sang PDEA kag PNP kag ginaaligar nga miyembro sang lawless group nga nagaoperate sa probinsya sang Cotabato. Konektado man suno pa ang suspek sa iban nga drug personalities sa Talitay, Maguindanao sa diin nagabyahe ang mga ini by-land sa Luzon agud magkuha sang supply sang illegal drugs nga ginabaligya sa ila nga areas of operation.
Nakuha sa operasyon ang 14 ka sachets sang suspected shabu nga may kabug-aton nga more or less 15 ka gramo kag nagakantidad sang P102,000.00 kag caliber .45 pistol nga kargado sang bala.
Sa subong ang suspek ang nakadetine sa Banisilan MPS kag kaso nga pagbayolar sa Section 11, Article II sang RA 9165 kag RA 10591 ang ipasaka batok sa suspek.
