P11.3-M Davao aid calamity fund aprubado

21

Davao City – Gi-aprubahan na atol sa session sa 19th City Council kagahapong hapon ang P11.3M ayuda nga itunol sa Davao City ngadto sa mga lugar sa nasud nga gipailawom sa State of Calamity tungod sa bagyong Ursula, linog ug Taal Volcano eruption.

Segun ni Second District Councilor Danilo Dayanghirang, chairperson of the SP Committee on Finance, Ways and Means, ang budget maggikan sa pondo ilawom sa 30% Quick Response Fund (QRF) sa 5% Calamity Fund sa lungsod.


Muhatag ang syudad og tag-P1M pinansyal nga ayuda sa probinsya sa Leyte, Capiz, Eastern Samar, Aklan, Samar ug Iloilo, tag-P300K sa munisipalidad sa Medellin, Cebu, Daanbantayan, Cebu, Madridejos, Cebu, Pandan, Antique, Libertad, Antique, Daram, Samar, Arteche, Eastern Samar ug mga lugar nga gilampornas ni bagyong Ursula.

Samtang, tag-P300K ang itunol alang sa mga biktima sa linog sa Sulop, Kiblawan, Padada ug Matan-ao, Davao del Sur.

Alang sa mga lugar nga apektado sa Taal Volcano eruption, muhatag usab ang dakbayan og tag-P1M sa Batangas ug Cavite.

I-turnover ni Davao City Disaster Risk Reduction and Management Council) (DCDRRMC) head Alfredo Baloran ang nasangpit nga hinabang.

RadyoMaN Aimee Guinita

Facebook Comments