Davao City – Kapin 11 milyones ka pesos ang kantidad sa iligal nga droga ang gisunog sa PDEA XI nga gipahigayon sa Rodolfo Del Rosario Gym, Tagum, Davao Del Norte.
Sa interview sa DXDC RMN Davao kang PDEA XI Spokesperson Noli Nephi Dimaandal nga anaa sa 962.90g nga shabu, kapin 1200g sa Marijuana ug 7.5g nga cocaine ang gipangsunog lakip ang mga drug paraphernalia diin mao kini ang mga nasakmit sa Tagum ug Panabo City.
Human nga gisunog ang mga nasakmit nga droga sa Davao del Norte, sumala ni Dimaandal posibleng karon o sunod semana sunugon ang mga nasakmit nga illegal drugs dinhi sa syudad sa Davao.
Ang maong aktibidad subay kini sa selebrasyon sa National Drug Abuse Prevention and Control Week nga nagdala sa temang “Makinig Muna: Ang Pakikinig sa mga Bata o Kabataan ay Daan Upang Tulungan Silang Lumaki na Malusog at Ligtas.”
RadyoMaN Don Pulayao
