Davao City – Muabot sa P11 million ang gitagana nga budget sa City Government of Davao alang sa pagtukod og oxygen plant sa dakbayan nga dakong tabang sa response batok Coronavirus Disease 2019 (COVID-19).
Matud ni Davao City Mayor Sara Duterte-Carpio (sa interbyu sa city-owned radio) nga ang maong pondo naglangkob na sa mga gamit ug ang warehouse asa ibutang ang planta diin nakita karon nga tukoran mao ang usa ka government property sa Maa ning syudad.
Gawas sa planta sa oxygen, plano usab nga magpalit usab og anaa sa 1,000 units nga oxygen tanks nga magamit sa dakbayan diin ang pondo sa maong mga proyekto kuhaon sa Disaster Fund nga mao ang prayoridad karon sa lokal nga panggamhanan.
“Duna ‘tay gi-allot nga budget para sa isa ka oxygen plant with accessories and warehouse na ni siya. This is 11 million pesos ang atong gi-set aside ani. Duna pud ‘tay order for purchase of 1,000 units nga oxygen tanks with regulators and this is 12 million pesos,” gibutyag sa alkalde.
Gi-request na usab ang Task Force (TF) Davao COVID-19 sa paghimo og resolusyon sa pag-request og emergency purchase aron nga mapapaspas ang pagpalit sa maong mga kagamitan alang sa proyekto.
RadyoMaN Kirby Manzon
