*Dumaguete City, Negros Oriental* – Buko salad kon tani ang dangtan sang masobra 30 ka bilog nga lubi apang wala na nahanda ang plano nga dessert bangod natukiban nga ang apat ang wala na sang tubi kag may buho sa diin dira nadasok ang apat man ka bulto sang shabu nga nagabalor sang P11 million pesos.
Suno kay Bureau of Jail Management and Penology (BJMP) Jail warden Chief Inspector Prizel Arevalo nga nakabase sa Dumaguete City, nakuha nila ang shabu sang Mayo 7, Domingo sang gindul-ong ini sang duha ka tawo, isa pa ang medor de edad para sa isa ka priso nga may kaso man druga nga si Joram Catan.
Wala na ginhulat sang duha si Catan ang delivery sang buko bangod sang amu nga tion, may ara pa sang misa. Upod sang buko ang pila ka lata sang gatas kag fruit cocktail.
Natingala ang mga jailguards nga sa 30 ka butong, may anum nga wala na sang tubi kag nabuksan kag sang ila ginlantaw, nakita ang apat ka bulto sang shabu sa apat ka mga nabuksan nga butong nga nagabug-at sang isa ka kilo.
Nagapati si Arevalo nga para gid kay Catan ang shabu bangod man sa background sini.
Ginpahayag naman ni Senior Superintendent Hernan Grande, director sang BJMP sa Negros Island Region, nga ila na ginforward sa Philippine National Police Crime Laboratory ang shabu para sa nagakaigo nga pagpangusisa.
