P12.75 million nga kantidad sang livelihood projects i-award sang Dole 12 sa mga beneficiaries subong nga Labor Day celebration.

Nagalab-ot sa masobra P12.75 million nga kantidad sang livelihood projects sa idalom sang Integrated Livelihood Program sang Department of Labor and Employment ukon Dole 12 ang i-award kadungan sang ipatigayon nga Labor Day Trabaho, Negosyo Kabuhayan Job and Business Fairs sang ahensya subong nga adlaw sa bahin sang General Santos City. Ini ang nangin kumpirmasyon ni Dole12 Assistant Regional Director Yahya Centi.
Yara naman sa 16 ka mga beneficiaries nga halin sa sector sang mga kababainhan, senior citizen, low wage earner, panday, laborers, welders, self – employed, mangunguma kag displaced workers ang makabaton sang nasambit nga livelihood projects sa diin 10 ang halin sa probinsya sang North Cotabato, 3 sa Sultan Kudarat, 2 sa Cotabato City kag isa naman sa General Santos City.
Samtang ang mga proposed livelihood projects sang mga beneficiaries amo ang customized shirts with digital heat press machine and silk printing, bigasan store, copra and charcoal processing, kabuhayan starter kits, pottery and bricks making, buladan and lamasan center, rug weaving project, ornamental and herbal gardening project, tailoring /dress shop, brassware making, consumer store kag motor parts store and repair shop.