Sa interbyu sa RMN Davao kang Nonito Llanos III, LTFRB 11 Regional Director, sa gipagulang order ug metikulong pagtuon sa mga board sa LTRFB gitugutan na ang mga tradisyunal ug modernong mga PUJs sa pagpatuman og dugang P1 sa pamasahe sa unang upat ka kilometros.
Busa epektibo na karong Oktobre 6,2023 gikan sa P12.00 nga base fare musaka na kini ngadto sa P13.00 ang pamasahe ug wala nay dugang sa musunod pa nga mga kilometros.
Gitataw ni Llanos, nagsumikad ang maong petisyon sa mga drayber tungod usab sa pagsaka sa presyo sa petrolyo.
“Piso raman ni, pero I know there is really an effect. We have to balance things kay atong tan-awon aron tanan dili ma apektohan aning sitwasyon. Kung maapektohan man gani dili ingon ana ka dako ang impact. Because nakasabot man pud ko sa kasing-kasing ug balatian sa atong mga suma sakay na dili pud lalim ang atung kahimtang karun tungod sa kamahal sa mga panaliton mao na we have LTFRB is looking at this fairly and squarely na magiging win win for everyone,” sumala niini.
Sumala ni Llanos nagpadayon ang diskusyon sa pagbutang og bag-ong fare matrix sa sulod sa mga PUJs silbing giya sa riding public.
RadyoMaN Aimee Guinita
