Davao City – Nadakpan sa kapulisan sa Sta Ana ang usa ka pusher target human nakuhaan og pito ka sachet sa shabu nga mutimbang og 1.5 gramos sa gikasa nga buy bust operation didto sa Purok 2 Brgy.23-C syudad sa Davao.
Base sa report, ang dinakpan naila sa pangalan Norberto Alegre alyas Tambay, 36 anyos residente sa nahisgutang barangay.
Nakuha sa dinakpan ang 500 pesos buy bust money, usa ka cellphone nga maoy gigamit sa iligal nga transaksyon.
Subay sa monitoring sa kapolisan kasagaran nga ginabaligyaan sa nahisgutang suspek mga driver, estudyante ug mga empleyado nga nagaagi sa nahisgutang barangay.
Ang dinakpan balhug na sa selda sa kapolisan sa Sta Ana ug gihikay na ang kasong pagsupak sa Akta Republika 9165 kon Comprehensive Dangerous Drugs Act of 2002.
Base sa datus gikan sa Sta Ana PNP, dul-an napulo na ka drug pusher ang ilang nadakpan sukad niadtong pitsa 1 sa bulan sa Enero ning tuiga.
RadyoMan Don Pulayao
