Davao City – Giendorsar ngadto sa Sta Ana PNP ang usa ka magtiayon human nga nagbomb joke samtang giinspeksyon ang bag niini sa entrance area sa may Roxas Night Market ning syudad.
Sa report gikan sa Sta Ana PNP, ang magtiayon mao sila Roldan Llanasa, 27 anyos ug Mary Ann Llanasa, 27 anyos nga taga Block 2 Piapi Boulevard Brgy 22- C, Davao City.
Sumala pa, samtang ang mga otoridad kauban ang police auxillary nga nagpahigayon og inspeksyon sa mga musolod sa Roxas Night Market kalit niabot ang magtiayon ug kalit mihunghong ang mister ngadto sa iyang misis nga angay lang ipacheck ang iyang bag kay basin dunay bomba.
Naalarma ang mga tao nga nakadungog niini hinungdan nga gi-hold ang magti-ayon ug gilayon giindusar sa presinto uno hinuon sa gihimong pag-inspeksyon walay nakit-an bomba sa ilang mga bag.
Kapolisan padayon nagpahimangno sa publiko nga gidili ang bomb joke ilabina kun anaa sa pampublikong lugar aron malikayan ang kagubot ug sa posibleng pagka aresto nga sama sa naasayon nga magtiayon.
RadyoMan Don Pulayao
