P190K shabu nasakmit, 3 arestado sulod sa drug den sa Tagum

53
Davao City – Dul-an P200K nga iligal nga droga ang nasakmit sa Philippine Drug Enforcement Agency Regional Office XI-Davao de Oro, Davao del Norte Provincial Offices, Tagum City sa gituohang drug den sa may Purok Suaybaguio A, Barangay Magugpo North, Tagum City, Davao del Norte.

Gibutyag sa PDEA XI nga malampusong nadakpan sa buy-bust operation ang subject ug tag-iya sa giingog drug den nga si Cherrynie Marie Espina, 25 anyos human kini mapalitan og usa ka gramo sa shabu sa kantidad nga P10,000.

Sikop usab ang mga bisita niini nga sila Ivy Peralta ug Niño Zozobrado.

Nasakmit sa mga operatiba ang 6 ka mga pakete sa shabu nga anaa sa 12 gramos ug adunay street value nga P180,000, assorted drug paraphernalia, buy-bust marked money ug boodle money.

Sumala sa PDEA ang suspek nga si Espina, gireport kini sa usa ka concerned citizen ds Barangay Magugpo North kansang buot mutabang sa pagpakgang sa illegal nga droga pinaagi sa Isumbong Mo Kay Wilkins!

Gibutyag ni AILEEN T LOVITOS, Regional Director sa PDEA Regional Office XI nga kasong paglapas sa Republic Act 9165 o Comprehensive Dangerous Drugs Act of 2002 ang ipasaka batok sa mga dinakpan.



RadyoMaN Aimee Guinita

Facebook Comments