Oplan Tabang ni Radyoman, nidangat sa hilit nga lugar sa lungsod sa Dinas

45
Dinas, Zamboanga del Sur – Nitugpa sa hilit nga dapit sa lungsod sa Dinas ang tropa sa mga RadyoMaN sa DXPR ug iFM Pagadian dala ang tabang sa pamilyang Nortal nga naapektohan sa paghapak sa Tornado niadtong Domingo sa gabii.
Bisan sa hilit sa lugar ug kalisod sa kalsada sa Brgy. Dongos, Dinas ning probinsya sa Zamboanga del Sur giantos sa grupo ang pagbyahe aron personal ihatod sa pamilyang Nortal ang nahipos nga hinabang gikan sa mga tigpamati sa sibyahaan sama sa sinako nga bugas, mga kape, pagkaon ug uban pa.
Nakabhangan ang gibating kaguol sa pamilyang nagbangutan dihang gi-alam-alaman og gipakigsultihan ang nahibiling pamilya sa kalit nga kamatayon ni Norelyn Albarico Nortal, 21 -anyos human natam-okan sa napaksi nga punoan sa lubi nga anaa sa tugkaran sa ilang pinuy-nan.
Sumala sa pamilya gisulay pa unta nila pagdala sa ospital ang biktima apan gumikan sa kadako tubig baha sa ilang dapit wala na kini masalbar.
Kagahapon gipahiluna na ang patay nga lawas ni Norelyn samtang iyang anak nga batang babaye nga tulo pa ka bulan nga swerteng nakalingkawas sa trahedya ang anaa sa pag-amuma sa iyang amahan nga si Roberto.




Facebook Comments