P2.1M nga shabu narecover sa tatlo ka mga pamatan-on, isa menor de edad pa

196

BACOLOD CITY – Naka detain na karon sa Police Station 4 ang tatlo ka mga suspek nga nadakpan sa ginpatigayon nga drug buy bust las 3 kahapon sang hapon sa Corner Ylac-Lopez Jaena Sts., Villamonte syudad sang Bacolod.

Nakilala ang mga suspek nga nadakpan nga amo sanday John Mark Malde, 21 anyos, John Jeryl Gemora, 22 anyos kag isa 15 anyos ukon menor de edad.

Suno kay PInsp. Adrian James Albaytar, hepe sang Bacolod City Drugs Enforcement Team nga natigayon nila ang operation upod ang Police Station 4 sa diin kapin 200 ka gramo sang shabu ang ila nakuha gikan kay Gemora lakip man duha pa gid ka sachet gikan Malde.


Ang mga recoveries ang may ara sang market value nga mga P2.1 million pesos.

Dugang pa ni Albaytar nga mga isa man ka bulan ang ila monitoring sa hulag sang tatlo sa diin amu ini ang pinakadako nila nga recovery sa karon.

Sang nagligad nga June 10, may ara man sila sang apprehension nga mga P800,000 gikan sa isa ka Muslim sa Barangay 31.



Facebook Comments