Tatlo ka mga motorsiklo nag karambola, 1 patay

200

Sambilog rong patay matapos nga magkarambola rong tatlo ka mga motorsiklo kahapon it hapon sa Brgy. San Isidro, Ibajay, Aklan.
Suno kay PO1 Jimmy Alcaide it Ibajay PNP nga natabo rong aksidente mga 4:45 kahapon it hapon.
Rong namatay hay nakilaea kay Gilo Sumcad, 19-anyos ag residente it nasambit nga lugar.
Sa imbestigasyon it Ibajay PNP naga guwa nga rayang si Gilo Sumcad ag may angkas nga sanday Gerold Perucho, 13-anyos ag Renan Tumbagahan, 14-anyos mga residente it Brgy. Rizal sa nasambit nga banwa hay halin sa Brgy. Jawili, Tangalan ag naga pauli eon kunta tag nag overtake sa sangka tricycle kung sa siin madasig rong padaeagan ag sumunggab sa kasubeang nga motorsiklo.
Rong kasubeang nanda nga motorsiklo hay gina maneho ni Gerold Templonuevo, 32-anyos ag may angkas nga sanday Salmera Nila, 18-anyos, Ronalyn Vidal, 28-anyos ag sangka 9-anyos nga ungang aeaeki tanan residente it Brgy. Tabangca, Numancia hay nakaangkon man it mga lastro sa eawas.
Samtang ro sambilog pa gid nga kasunggaban hay ro motorsiko nga gina maneho ni Joshua Castro, 18-anyos, April Joy Soriano, 17-anyos, Jesamae Templonuevo, 13-anyos ag sangka 10-anyos nga ungang eaeaki ag residente man it Poblacion ag Tabangca, Numancia.
Sanda ra hay halin sa banwa it Buruanga ag pauli eon kunta tag matabo ro aksidente.
Nahadaea pa si Sumcad sa hospital pero gin deklara nga dead on arrival bangod sa fatal nga lastro sa anang ueo.
Nasayuran nga nakainum ra imaw samtang naga maneho it motorsiklo.
Padayon pa rong imbestigasyon it Ibajay PNP.

Facebook Comments