P2.2 million nga kantidad sang Marijuana nagabot sa Lake Sebu, South Cotabato.

17

Nagalab-ot sa P2.2 million nga kantidad sang masobra 11 mil ka puno sang marijuana nga may kabug-aton nga 30 ka kilo ang nagabot sang mga otoridad sa Sitio Bandala, Barangay Ned, Lake Sebu, South Cotabato, alas 10:00 sang aga sang Mayo 30, 2021.
Nadiskubrihan ang nasambit nga plantasyon sang marijuana; samtang nagapatigayon sang Internal Security Operation (OPLAN BLUE DREAM) ang Lake Sebu MPS, 1204th MC, RMFB 12 (Lead Unit), PDEA 12, 2nd Coy Sarangani PMFC kag South Cotabato PMFC sa nasambit nga lugar.
Gilayon naman nga nagpatigayon sang clearing operation ang operating team sa lugar nga nangin rason sa pagkaaresto sa isa ka persona nga ginkilala kay Casuyon Elmo Lozada alias Dodong, 42 years old, kag residente sang Sitio Bandala, Barangay Ned, Lake Sebu, South Cotabato nga ginaaligar cultivator.
Ginsunog naman sang operating team sa lugar ang nagabot nga mga Marijuana plants kag ang iban ang gindala sa PDEA 12 Office para sa laboratory examination subong man ang naaresto nga suspek kag pasakaan naman ini sang nagakaigo nga kaso.

Facebook Comments