P20-K, kwintas ug cellphone sa usa ka babae nahanaw human na-hypnotize

*Davao City – Nahusno ang abaga sa usa ka 37 anyos nga si Lorie Gimeno nga giingong gi-hypnotize sa gitabangan niining tigulang sa dalan.*

*Gisaysay sa biktima sa kapulisan nga niduol sa iyaha ang usa ka tigulang ug nangutana og direksyon kung asa ang bus stop tungod dili kini swito sa syudad ug nagpaila ang suspek nga usa ka Vietnamese. *

*Sumala sa biktima, nalooy siya sa tigulang ug iyaha kining gipasakay sa iyahang kotse. *

*Samtang gabiyahe ang sila , giingong gi-hypnotize ang biktima sa maong suspek, og gimanduan siya sa tigulang nga ipangsulod ang iyahang kwintas, cellphone ug kwarta nga anaa sa P20,000 sa brown envelop parte sa gituohang tradisyunal nga tinuohan sa Vietnam nga Feng Shui.*

*Nahuwasan nalang ang biktima pag-abot sa ilahang panimalay ug nasayran nga na-missing na ang iyahang mga kabtangan lakip na cash, hinungdan nga nagpatabang na kini sa mga awtoridad sa pag-locate ug pagdakop sa suspetsadong daw nang-hypnotize kaniya.*

*RadyoMaN Aimee Guinita*

*tags: DXDC 621 RMN Davao *