Natalana nga iturn-over sang Department of the Interior and Local Government (DILG) XII kag Department of Public Works and Highways (DPWH) XII sa local government unit sang Tantangan, South Cotabato ang public market project nga ginpondohan sang DILG.
Ang nasambit nga public market ang well-ventilated two-storey building, may duha ka stalls para sa meat kag fish products sa ground floor kag 12 pa ka mga stalls upper floor.
May-angot sini, ang DILG XII ang magapatigayon sang project assessment upod ang Regional kag Provincial Project Monitoring Committees bag-o pa man ang turn-over.
Ini ang ginpahayag ni DILG 12 Regional Director Josephine Cabrido-Leysa, CESO III sa ginpatigayon nila nga Coordination Meeting.
Suno sa DILG XII Project Development Management Unit (PDMU) ang proyekto ang ginpondohan paagi sa 2019 Public Market/Public Cemetery (PM/PC) Project sa idalom sang Office of the Secretary sang DILG nga nagakantidad sang P20 million sa diin ang implementing partner amo ang DPWH.
Samtang masobra pa tatlo ka mga public market projects nga ginpondohan sang 2019 PM/PC ang matapos subong nga tuig suno sa PDMU. Ang nasambit nga mga proyekto ang yara sa President Roxas sa Cotabato Province, Polomolok kag Sto. Niño sa South Cotabato.
Nakabaton naman ang rehiyon 12 sang P102 million para sa nasambit nga proyekto lakip na an on-going public market projects sa Magpet, Cotabato Province kag Koronadal City kag public cemetery projects sa Tulunan, Cotabato Province kag Malungon, Sarangani Province.
