Pipila ka mga eskwelahan sa SoCot, nakabaton sang transistor radios, bond papers, printers kag mga IPED materials.

22

Nagdistribute sang mga transistor radios, bond papers, printers kag mga Indigenous Peoples Education materials sa mga eskwelahan sa probinsya ang Schools Division of South Cotabato kag Provincial Government sa ginpatigayon nga turn-over kag distribution kahapon nga adlaw.
Nagalab-ot sa 778 ka units sang transistor radios, 5,557 ka reams sang bond papers kag 213 ka mga printers para sa ginapatigayon sa subong nga blended, modular kag distance learning sa tunga sang COVID-19 pandemic.
Kabug-usan nga P3,622,800 ang kantidad sang bond papers, transistor radio kag printer nga ginturn-over kahapon nga adlaw nga halin sa Special Education Fund.
Samtang lakip man sa ginturn-over ang musical instruments sa recipient schools.
Sa subong suno kay South Cotabato Schools Division Supt. Ruth Estacio yara na sa masobra 1,700 ang naprocure sang division kag provincial government nga transistor radios.
May-angot sini, ginpasalamatan naman ni Estacio ang provincial government sa ginhatag sini nga suporta sa patag sang edukasyon ilabi na subong nga panahon sang pandemya.

Facebook Comments