P20 matag kilo sa presyo sa bugas lisud mapatuman, reaksyon sa mga dabawenyo

Davao City – Maglisod pa sa karon nga mapatuman ang pagpaubos sa P20 ang matag kilo sa presyo sa bugas tungod nagpadayon ang pagsaka presyo sa mga palaliton, kini ang reaksyon sa pipila ka mga dabawenyo sa syudad sa Davao.

Sa pakighinabi sa DXDC RMN Davao kang Waldo Lastimosa, taga Brgy.Cabatian ningdabayan gisulti niya, lisod na nga mapatuman ang pagpaubos ang presyo sa bugas rason nga wala man gani mapaubos ni President Ferdinand Bongbong Marcos Jr. nga sya pa ang secretary sa Department of Agriculture (DA).

Segun ni Lastimosa, lisod mapatuman ang pagpaubos sa presyo sa bugas tungod padayong nagasaka ang presyo sa produktong petrolyo og dili sya motuo sa giingon sa bag-ong secretary sa DA nga walay pagsaka sa presyo sa karne og bugas karong pasko.

Giingon sab ni Anthony Flores, taga Trading Boulevard, sukad nagsugod ang pagsaka sa presyo sa bugas wala syay naobserhan nga nibaba ang presyo.

Nahinabi usab sa DXDC News Team si Joy Alberastine, taga Ecoland Davao City, giingon niya, dili pa mapatuman ang presyo sa bugas nga tag P20 matag kilo tungod walay price control nga gipatuman og lugi sa presyo sa palit sa bugas ang mga mag-uuma.

RadyoMaN Don Pulayao