Davap City – Mikabat ngadto sa P200,000 ang damyos sa nahitabong sunog sa may Brgy. Sto. Niño, Phase 1, Tugbok District ning siyudad kun diin 11 ka mga balay ang gideklara nga totally damaged.
Miulbo ang sunog alas-8:00 pasado adlaw’ng Sabado sa buntag ug na fire out kini alas alas-9:30 sa kabuntagon.
Subay sa pagpanubay nga gihimo sa Tugbok Fire Station nga gipangunahan ni SFO2 Manolito Compedio, giingon niini atol sa interbyu sa RMN Davao kaniya nga napasagdaan nga katol ang hinungdan diin nagsugod kini sa balay ni Bonifacio Lawag.
Tungod usab gama sa light materials ang mga balay nga gipangtukod sa maong dapit mikanit ang kalayo sa kasikbit nga mga lugar.
Sa pagka karon, ipinalisar sa mga opisyales sa Brgy. Sto. Niño ang validation gikan sa ilang barangay social worker ngadto sa mga nasunogan aron mahatagan og ayuda.
RadyoMaN Paul Canono
