Davao City- Gipailawom sa state of calamity sa lokal nga panggamhanan sa Davao ang Barangay Lamanan ug Dominga, Calinan District ug mga lugar nga anaa sa 1KM radius tungod sa African Swine Fever.
Atol sa special session sa 19th City Council adlawng Biyernes naaprubahan ang P20M nga financial aid sa mga hog raisers nga maapektuhan sa ipahigayong culling.
Muhatag ang lokal nga gobyerno sa mga hog raisers og P1,500 per piglet (suckling) ug sa mga growers, P5,000 o P90.00 / kilo depende kung asa ang mas taas.
Sumala ni Councilor Bai Hundra Cassandra Dominique Advincula, Vice Chair sa Committe on Finance Ways & Means and Appropriations nga ihatag gilayon ang hinabang karong adlawa.
Nagpatuman na og lockdown ang City Veterenarian’s Office sa nasangpit nga mga dapit aron malikayan na ang pagkuyanap sa ASF.
Gibutyag ni Dra. Cerelyn Pinili nga dul-an 3,000 ka mga apektadong baboy ang ipailawom sa culling.
Matud ni Pinili aduna nay mga lugar nga giidentipika sa duha ka mga barangays para kalubngan sa mga naigo sa ASF nga mga binuhing mga baboy.
RadyoMaN Aimee Guinita
