Lake Sebu, South Cotabato—Mokabat sa P20 million ang danyos sa 20 metric tons nga tilapia nga apektado sa natigayong fish kill o Kamahong sa lungsod sa Lake Sebu niadtong Enero 8 ug 9 karong tuiga.
Mokabat usab sa 250 ka mga fish cage operators ug usa ka libo ka mga fish cages ang apektado sa fish kill sa napulo ka mga sitio sa Brgy. Takunel, Poblacion ug Bacdulong.
Gipaniguro ni Lake Sebu Mayor Floro Gandam ang ayuda sa mga fish cage operators sa lungsod nga apektado sa fish kill pinaago sa paghatag ug fingerlings ug uban pa.
Samtang aminado si Mayor Gandam nga wala napatuman ang 10% sa total lake area nga mao ray angayang i-utilize tungod nikabat sa karon ug 15% ang nabutangan ug fish cages.
Kalabutan niini, matud sa alkalde padayon ang ilang dayalogo tali sa mga fish cage operators aron nga mapatuman ang balaud.
Pahayag pa sa mayor nga ipatuman ang clean-up drive sa mga apektado nga area paagi sa food/cash for work.
Ang kamahong ang kasagarang natigayon matag ting-ulan gumikan sa pagtaas sa sulfuric acid ug pag-ubos sa supply sa oxygen sa lake nga miresulta sa pagkapatay sa daghang mga isda.
CTTO:
