Davao City – Arestado atol sa buy-bust operation sulod sa drug den sa may 588, Carnation Street, Buhangin, Davao City alas-9:20 sa gabie ang usa ka retired Marine Master Segeant ug laing upat pa ka mga drug suspects.
Giila ni Philippine Drug Enforcement Agency XI spokesperson Noli Dimaandal ang mga target sa buybust nga sila retired Marine Master Sergeant Romeo Abug ug Novie Ortaneza kinsa nabitik sa agent sa PDEA human kini napalitan og P1,000 kantidad sa shabu.
Na-dismantle sa PDEA ang balay nga gihimong drug den sa mga suspek diin narekober ang nagkantidad sa P225,000.00 nga shabu, drug paraphernalias ug .45 nga pusil nga gipanagiyahan ni Abug.
Gidakop usab ang naabtang tulo ka mga shabu users nga sila James Alaba, Ernesto Anino ug Edward Tedura.
Matud ni Dimaandal nga gipasang-at na ang kasong may paglapas sa Republic Act 9165 o Comprehensive Dangerous Drugs Act of 2002, Republic Act 10591 ug violation sa Omnibus Election Code batok sa mga naarestong mga suspetsado.
RadyoMaN Aimee Guinita
