TACLOBAN CITY – Ginpamumusil-patay an usa nga sumurender nga rebelde ha Barangay 1, Poblacion, Catubig, Northern Samar dida han huwebes, February, 28, 2019.
Subay han report tikang ha Police Regional Office 8, ginkilala an biktima nga hi Jessie Tusing Rebay, 25 anyos, mayada live-in partner, myembro han CAFGU Active auxiliary han 52nd Infantry Battalion, residente ha Brgy. P. Rebadulla han nasabi nga bungto.
Ha imbistigasyon, makarigos unta an biktima ha may deep well nga harani han iya ginrentahan nga boarding han tigda nala nga umabot an 3 unidentified suspect sakay han motorsiklo ngan ginpamumusil an biktima.
Naka-angkon hin magkadurudilaon nga igo hin bala han pusil ga nagresulta han iya kamatay.
Kumalagiw naman dayon an mga suspek nga gintutuuhan nga mga myembro han NPA matapos an ginbuhat nga krimen.
Samtang, nagpapadayon an hot pursuit operation han mga otoridad para magkadadakop an mga suspek.
