Davao City – Mokabat sa P23 million ang sumada sa mga iligal nga droga ang nasakmit sa Task Force Davao sa mga checkpoints sa Davao City.
Sa interbyu sa DXDC RMN Davao, gibutyag ni Major Ronnel Legarde, Task Force Davao spokesperson, kini ilawom sa liderato ni TF Davao Commander Col. Consolito Yecla.
Sukad Marso 2019 hangtud Hunyo 2021, mokabat sa 200 ka mga suspek ang nadakpan ug anaa sa 1.5 kilograms ang tanang droga nga nasakmit sa TF Davao personnel.
Sumala ni Legarde, tungod usab sa hugot nga pagmonitor daghang droga ang naharang nga planong ipalusot sa dakbayan.
Matud niini, gi-turn over gilayon nila sa kapulisan ang dinakpan diin sagad sa mga suspek napasakaan na’g kaso tungod sa kalapasan sa RA 9165 (Comprehensive Dangerous Drugs Act of 2002).
RadyoMaN Aimee Guinita
