BACOLOD CITY – Ginabulubanta nagdangat sa kapin P25k pesos ang balor sang suspected shabu nga narecover sa nadakpan nga 5 ka mga suspek sa ginpatigayon nga buy bust operation kahapon sa Brgy. 2, Bacolod City.
Ginkilala ang mga suspek nga sanday John Paul Salazar, 27 anyos sang Brgy. 17, Boots Toledanes, Alias Bolato, 45, residente sang Purok Sigay, Brgy. 2, Glen Carrera, 40, pumuluyo sang Purok Sawmill, Brgy. Bata, Jean Rey Hinaut, 30 sang Stone Haven Residences, Brgy. Granada kag si Jerold Toes, 38 anyos ang edad, pumuluyo sang Greensville Subd., Brgy. Estefania, Bacolod City.
Ang buybust ginpatigayon sang mga katapo sang Police Station 2 kahapon sa Purok Sigay, Brgy. 2 Bacolod City.
Nakuha halin sa mga suspek ang walo tanan ka sachet sang suspected shabu.
Sa karon, detained na sa custodial facility sang Police Station 2 ang amo nga lima ka mga suspek./dyHB BACOLOD
