Sugod sa November 1, 2018 mo-epekto na ang 27 pesos kada adlaw nga salary increase sa tanang empleyado sa private sector sa Northern Mindanao.
Sa interview sa RMN Malaybalay ngadto kang Nicandro Borja, Director for Operation sa Alliance Labor Union -Trade Union Congress of the Philippines kon ALU-TUCP gibutyag ninii nga niadtong Oktubre 17 gisugdan na sa Department of Labor and Employment o DOE ang pagpa-publish sa news papers sa Wage Order number 20 sulod sa duha ka semana.
Sa November 1, matapos ang duha ka semana nga publication sa Wage Order number 20 ug mo-epekto dayon ang wage order number 20.
Matud ni Borja nga kini nagpasabot nga sugod sa November 1, 2018, 365 ang kada adlaw nga suweldo sa mga empleyado sa Northern Mindanao, ubos kini sa Category 1 nga naglakip sa mga empleyado sa Cagayan de Oro, Iligan City, lungsod sa Tagoloan, Villanueva ug Jasaan, Misamis Oriental.
Ubos sa Category 2, 358 pesos na dayon ang Suweldo kada adlaw sa mga empleyado sa private sector sa Malaybalay City ug Valencia City sa Bukidnon, Gingoog City ug El Salvador City ug Maramag, Quezon ug Manolo Fortich sa Bukidnon , ug Ozamis City sa Misamis Occidental.
Ubos sa Category 3, 350 pesos kada adlaw ang suweldo sa mga empleyado sa Oroquita City ug Tangub City sa Misamis Occidental, Balingasag ug Laguindingan, Misamis Oriental.
Ubos sa Category 4, 343 pesos kada adlaw ang suweldo nga dawaton sa mga empleyado sa tanang syudad ug lungsod sa Region 10 nga wala malakip sa coverage sa Category 1, 2 and 3.
Gipasabot ni Borja nga kini nga minimum wages alang lamang sa mga Non Agricultiural employee.
