iFM Laoag – Natiliw iti maysa a babai a maipagarop nga “scammer” iti PEER to PEER (P2P) and Fast Cash Investment babaen ti entrapment operation nga inparuk-at ti Philippine National Police Laoag City idi rabii Disiembre 23, 2019 iti 7/11 Convenience Store a paset ti Brgy 12, Laoag City.
Nabigbig ti suspek a ni Ms. Angelica Joyce Nacino alias “Anne Jang”, agtawen duapulo ket dua (22 y/o), addaan ti live-in-partner, residente iti Brgy. 1 Poblacion Uno, Pasuquin, Ilocos Norte idin to nga iti biktima ket ni Ms. Jamaica Tagalicud Sison, agtawen sangapulo ket pito (17 y/o), awanan ti asawa, residente iti Brgy. 55A Barit, Laoag City, Ilocos Norte.
Segun ti imbestigasion ti PNP Laoag City, ti suspek ket dimmawat iti tallugasut a ribo a pisos (P300,000.00) iti biktima ken inkari na iti minilion a kantidad a pasublienna idi Disiembre 15, 2019 ngem saanna nga intungpal daytoy. Nagtultuloy ti panagdawat ti suspek iti biktima manen ti sangagasut limapulo ribo a pisos (P150,000.00) tapnun itungpalna iti karina a kuarta kasta pay a pinangtaanna daytoy nga ti investment company dan iti akin responsablen iti sumarunon a proseno nu dina ikaso ti mangted.
Iti daytoy nangbukel ti operasion iti otoridad apaman a napan nagreklamo iti biktima ket ballaygi a natiliw daytoy iti nagtulaganda nga aginnawat ti sangapulo ribo a pisos (P10,000.00) iti nadakamat a convenience store idi rabii. Mapilaan ti kaso nga extortion ti suspek ken nagtalinaed iti kustodiar ti PNP Laoag karaman dagiti nakompiskar kenkuana nga items kalpasan a naeksaminar.
Maipalagip nga iti suspek ket naipilaan ti kaso a syndicated estafa iti National Bureau of Investigation idi bulan ti Noviembre gapu kadagiti dimmatag a napan nagreklamo iti ahensia. Umabot ti lima a million a pisos (P5,000,000.00) iti intaray ti suspek kadagiti walupulo a biktima malaksid pay iti daytoy a pannakatiliwna. (Joe Anne Agustin, RMN News)
