Davao City – Gitinguhang hingpit nga iimplementar sa tuig 2020 o 2021 ang High Priority Bus System (HPBS) dinhi sa dakyaban sa Davao.
Gianunsyo ni Finance Secretary Carlos G. Dominguez atol sa 51st ADB Annual Meeting and Economic Briefing nga mokabat sa $70 million o P3.6 billion ang kantidad sa pagmodernisa sa pampublikong panakayan lakip na ang Bus system dinhi sa syudad nga pondohan sa Asian Development Bank (ABD).
Samtang si City Planning and Development Office (CPDO) head Ivan Cortez nagkanayon nga daghang mga trabaho ang mahatag sa gilaraw nga bus system project dinhi sa dakbayan.
Segun niini nga maggikan usab sa maong pondo ang itunol ngadto sa mga maapektuhan sa naasoy nga proyekto diin ang kada operators sa PUJ mudawat og P110,000 samtang P85,000 sa mga drayber base sa ilang unom ka bulan nga kita.
Gibutyag ni Cortez nga plano nilang magmuntar og tulo ka mga bus terminals sa Toril, Panacan ug sa Bukidnon-Davao nga highway.
Dugang ni Cortez kung maaprubahan na ang budget, mamahimo na ng masugdan karong 2019 ang paghimo og bus stops, terminal ug uban pa nga gikinahanglan para sa bus system aron mas maimprobar pa ang serbisyo ug transportasyon dinhi sa syudad.
RadyoMaN Aimee Guinita
