CAUAYAN CITY – Arestado ang isang babaeng tulak ng ilegal na droga sa ikinasang Anti-Illegal Drug buy bust operation ng PDEA Isabela Provincial Office ngayong araw, ika-9 ng Nobyembre sa Purok 4, Barangay Cabaruan, Cauayan City, Isabela.
Kinilala ang suspek na si alyas “Ella”, 29 taong gulang, walang asawa at residente ng Barangay San Fermin, Cauayan City, Isabela, at itinuturing bilang isang High Value Individual.
Nakumpiska mula sa suspek ang isang plastic sachet na naglalaman ng hinihinalang shabu na may timbang na 50 grams at may street value na PHP 325,000.00, 100 piraso ng buy-bust money, isang cellphone, iba’t ibang identification cards, ATM card, isang digital weighing scale, at iba pang personal na gamit ng suspek.
Matapos ang pagkakahuli, sumailalim ang suspek sa medikal at pisikal na eksaminasyon at drug testing, habang nakatakda rin itong maharap sa kasong paglabag sa RA 9165 o Comprehensive Dangerous Drugs Act of 2002.
