North Cotabato–Duha ka mga drug personalities ang nasikop sa gipahigayong Drug buy-bust operation niadtong nakalabayng adlaw sa may Poblacion 2, Pigcawayan, North Cotabato Province.
Giila ang mga dinakpan nga silang si Miko Cansa Kamsa, 32-anyos, driver, residente sa Salimbao, Sultan Kudarat, Maguindanao ug Badrodin Mamalak Sally, 33-anyos, driver ug residente sa Brgy. Noling, Sultan Kudarat, Maguindanao.
Mokabat sa kapin kon kulang 50 gramos sa gikatahapang shabu nga gibana-banaang anaa sa P340,000.00 ang nakuha sa posisyon sa mga suspek.
Ang maong operasyon ang gipahigayon sa hiniusang pwersa sa PDEA RO12, PDEA BARMM, PDEA RO13, Pigcawayan MPS ug 34th IB Philippine Army.
Kasong kalapasan sa Section 5, Article II sa RA9165 ang gipasang-at sa otoridad batok sa mga suspek.
