BACOLOD CITY – Ginpadala na sa Laboratory Test ang kapin 600 ka gramo sang ginapatihan shabu para ma-check kon ‘pure’ nga illegal drugs ang na-confiscate sang Police Station 2 sa buy-bust operation nga ginpatigayon sa Purok Bangrus, Barangay 1, syudad sang Bacolod.
Suno sa hepe sang Police Station 2 – P/Chief Insp. Benedicto Villarias, nga masobra lang sa 3 milyones pesos ang market value sang narekover nga droga sandig man sa resulta sang Crime Laboratory Examination.
Ang druga ginabaligya subong sang tag P25,000 kada lima ka gramo.
Dugang pa ni Villarias, napasaka na sang kapulisan ang kaso nga pagbaligya kag paghupot sang iligal nga droga batuk sa subject sang operasyon nga si Reynante Villanueva kag sang asawa sin nga si Julie Villanueva.
Samtang, nadakpan sang Negros Oriental Provincial Drugs Enforcement Unit ang isa ka babayi nga si Karen Abaigar sa buy bust operation sa diin narecover sa iya ang kapin sa 25 ka gramo sang suspected shabu.
Lakip sa nakuha sang PDEU ang isa ka pack sang ginapatihan shabu nga naga-duag sang ‘blue’.
