Pag-uswag sa economic ug development opportunities dinhi sa Zamboanga Peninsula ang masinati sa mga mag-uuma human ang Department of Agrarian Reform (DAR) mibubo sa nagkadaiyang rural infrastructure ug livelihood projects isip suporta alang sa sustainable rural development program ni pangulong Rodrigo Roa Duterte. Ang Zamboanga Peninsula, kinsang mga residente naglangkob particular sa mga mag-uuma ug mangingisda maoy makaangkon sa dakong benepisyo gikan sa maong infrastructure facilities. Ang maong infra projects maoy mopauswag sa rural economy ug niini makamugna ug oportunidad sa trabaho, matud pa ni DAR Secretary John Castriciones. Si Castriciones kauban sa Undersecretary for Support Services Rosalina Bistoyong maoy nanguna karong bag-o sa turn-over sa mga rural development projects nga nagkantidad sa P404 million diha sa Certificate of Land Ownership Award (CLOA) Distribution Ceremony alang sa 997 farmer-beneficiaries nga gihimo sa Dapitan City Cultural and Sports Center, dakbayan sa Dapitan. Ang mga CLOA maoy unang lakang paingon sa dugang suporta gikan sa gobyerno ug ila lamang gisunod ang panglantaw ni Pangulong Duterte nga pagpauswag sa economic lives sa mga mag-uuma pinaagi sa pagbubo sa nagkadaiyang support services ngadto sa mga farm communities,” matud pa ni Castriciones. Ang multi-million project naglangkob sa rehabilitation ug construction sa 13 ka mga farm-to-market roads, duha ka communal irrigation systems, usa ka 28.8 linear meter bridge, provision sa potable water facilities, provision sa rubber seedlings, fertilizers, swine production, provision sa farm tools, construction sa post-harvest facilities ug processing centers alang sa abaca mat-weaving ug uban pa. Si Support Services Undersecretary Rosalina Bistoyong miingon usab nga ang maong proyekto kinahanglan diha sa pagkab-ot sa kalamboan diha sa rural communities. Ang maong pasilidad wala lamang gipatuman aron pagpasayon sa kinabuhi sa mga mag-uuma kon dili sa pagpadayon usab sa kalamboan sa komunidad. Sobra sa dyes mil ka mga Agrarian Reform Beneficiaries ang makabenepisyo gikan sa maong mga proyekto, apan dili lamang ang mga mag-uuma kon dili hasta na ang mga residente ang direktang makabenepisyo sa maong mga proyekto matud pa ni Bistoyong. (M.L) <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
